عَنْ أَبِي هُرَيْرَةَ t قَالَ: قَالَ رَسُولُ اللَّهِ ﷺ: “مِنْ حُسْنِ إسْلَامِ الْمَرْءِ تَرْكُهُ مَا لَا يَعْنِيهِ”.
حَدِيثٌ حَسَنٌ، رَوَاهُ التِّرْمِذِيُّ [رقم:2318]، ابن ماجه [رقم:3976].
Ebu Hurejra, Allahu qoftë i kënaqur me të!, përcjell se i Dërguari i Allahut ﷺ ka thënë:
“Ndër shenjat e Islamit të mirë të njeriut është lënia e gjërave që nuk i përkasin.”
Hadith hasen (i mirë).
E shënojnë Tirmidhiu [numër 2318] dhe Ibn Maxhe [numër 3976].
Dobit e Hadithit:
1) Lënia e gjërave që nuk kanë të bëjnë me besimtarin janë:
a) haramet,
b) mekruhet,
c) gjërat e dyshimta për atë të cilin nuk janë të qarta,
d) teprimi në gjërat mubahit )lejuara) që nuk kanë të bëjnë me besimtarin dhe me nevojat e tij.
2) Ai i cili meret me gjëra që s’kanë të bëjnë me të, islami i tij nuk është ashtu siç duhet, sipas pozitës që ka ajo vepër.
3) Islami është përbledhje e gjërave të mira.
4) Lënia e gjërave që s’kanë të bëjnë me besimtarin, a don të thotë lënia e urdhërimit në të mirë dhe ndalimi nga e keqja?
Përgjigjje: jo, sepse urdhërimi në të mirë dhe ndalimi nga e keqja është diçka që ka të bëjë me ty dhe je urdhëruar për të.
5) Hadithi është i dobët, kuptimi është i saktë duke u pas parasysh bazat dhe rregullat e fesë.
HADITHI I DYMBËDHJETË
Përktheu: Vedat Skenderi
