Amr ibën Asi (radijAllahu anhu) transmeton se i dërguari (sal-lAllahu alejhi ve sel-lem) ka thënë:
“Vërtet Imani vjetërohet në kraharorin e çdokujt prej jush, ashtu siç vjetërohet rroba. Prandaj, kërkojini Allahut që t’jua ripërtërijë Imanin në zemrat tuaja”
Grada e hadithit:
E shënon Hakimi dhe Taberani, hadithi është autentik.
Kuptimi i hadithit:
Besimi i njeriut vjetërohet, dobësohet, e humbet, dhe atë për shkak të neglizhencës, plogështisë në adhurime, e zhytjes në mëkate e pasimit të epsheve, E që duhet herë pas here ta lusim Allahun ta ripërtijë besimin tonë, duke u penduar, me istigfar, vepra të mira, e largim nga mëkatet.
Dobi nga hadithi:
01 – Imani shtohet e forcohet me vepra të mira, e dobësohet me mëkate.
02 – Rëndësia e lutjes, që Allahu ta ripëtrijë imanin-besimin.
03 – Shembulli i dhënë, për të qenë sa më e qartë e më e kuptueshme.
Përkthim hoxhë Shpend Zeneli
