Ibën Mesudi (radijAllahu anhu) transmeton dhe thotë: një njeri pyeti: o i dërguar i Allahut: a do të dënohemi për ato që i kemi bë gjatë injorancës? Ai tha: “Kushdo që bën mirë në Islam nuk do të dënohet për atë që ka bërë në kohën e injorancës kurse kushdo që bën keq në Islam do të dënohet për veprat e tij të mëparshme dhe të mëvonshme (veprat e këqija)”
Kuptimi i hadithit:
Personi e pyeti të dërguarin e Allahut (sal-lAllahu alejhi ve sel-lem) për atë që ka vepruar nga të këqijat e mëkatet gjatë injorancës, se a do të dënohet e a do të llogaritet edhe për ato vepra? E i dërguari (alejhi selam) iu përgjigj se: kushdo që bën mirë në islam; pra, kush vazhdon në fenë islame dhe largohet nga mëkatet, nuk do të llogaritet për mëkatet e tija në kohën e injorancës, qofshin ato mëkate të mëdha apo të vogla.
Dhe kushdo që bën keq; e keqja këtu ka për qëllim daljen nga feja, do të llogaritet edhe për ato që ka vepruar prej të këqijave gjatë kohës kur ka qenë jomusliman dhe të këqijat që i ka vepruar në islam. Ky është kuptimi i drejtë i hadithit.
Por, nëse thuhet se e keqja këtu ka për qëllim: ka mëkatuar e ka bërë gjynah, kuptimi sipërfaqësor i hadithit mund të duket në kundërshtim me atë që i gjithë umeti e njohin se; islami shlyen mëkatet e mëparshme. Dhe është edhe hadithi në Sahihun e Muslimit.
Allahu thotë: “Thuaju atyre që nuk besojnë: nëse largohen (nga mosbesimi), do t’u falet e kaluara e, nëse kthehen (në mosbesim), atëherë dënimi i popujve të mëparshëm është paralajmërim për ta.” Enfa, 38.
Atëherë kuptimi i kësaj është se; ky person qortohen për atë që ka vepruar si jo musliman, sikur t’i thuhet këtij: Ti si jo musliman ke vepruar kështu e kështu, a nuk të ka frenuar islami që të mos vazhdon njësoj edhe në islam? E kështu ky dënohet për gjynahun qëe ka vepruar duke qenë musliman.
Një kuptim tjetër është që ai ka vepruar keq në islam, e që fetaria e tij të mos jetë e drejtë, apo imani i tij të mos jetë i sinqertë, sikur të jetë nga hipokritët, por kuptimi i parë është i pranuar.
Dobi nga hadithi:
01 – Kujdesi i sahabëve për veprat e tyre.
02 – Renegatit i llogariten të gjitha të këqijat para dhe pas islamit
03 – Nxitja për t’përmirësuar secili fetarinë e tij.
04 – Islami shlyen mëkatet, njashtu edhe veprat e mira, pendimi, dhimbjet, etj, shlyejnë mëkatet besimtarit.
Përgatiti: hoxhë Shpend Zeneli
